Real Madrid lingek danî çargoşeya zêrîn a Champions League

Navenda Nûçeyan (K24) – Di pêşbirka fînala çarîkê ya Şampiyonên Futbolê yên Ewropayê (Champions League) de, şeva borî Real Madrid bi 3-1 li hember Liverpoolê bi ser ket.

Rela Madrid golên xwe di xuleka 26 û 65 de bi riya yarîzanê Brazîlî Vinicius Junior û di xuleka 36 de jî Marco Asensio tomar kirin, li hemberê yarîzanê Misrî Mihemed Selah gola Liverpoolê di xuleka 51 de tomar kir.

Bi vê serketiya mezin, Real Madrid lingekî xwe danî çargoşeya zêrîn a Şampiyonên Futbolê û dê li benda yariya vegerê ya li Anfield Stadium a Liverpoolê bimîne ku dê roja 14 'ê Nîsanê were lîstin.

Di heman pişbirkê de jî, Manchester City a ingilîzî li ser yarîgeha bi encama 2 – 1 li hember Borussia Dortmund a almanî bi ser ket.