Serokê Herêma Kurdistanê ligel Balyozê Brîtanyayê civiya
Hewlêr (K24) - Serokê Herêma Kurdistanê Nêçîrvan Barzanî vê êvarê 9ê Tebaxa 2021ê, pêşwaziya Balyozê nû yê Brîtanya yê li Iraqê Mark Bryson Richardson kir.
Di civînê de Nêçîrvan Barzanî ji bilî bixêrhatinê, hêviya serkeftinê li erkê nû yê li Iraqê ya ji bo birêz Balyozê nû yê Brîtanya xwest û hemû alîkarî û piştgîriyeke Herêma Kurdistanê ya ji bo serxistina erkê yî de dûpat kir.
Di civînê de pêşxistina peywendiyên Iraq û Herêma Kurdistanê li gel Brîtanya û berfirehkirina warên alîkarî û hevbeşiya di navbera wan, hilbijartinên paşerojê ya Iraq, rewşa emnî û pêşketinên dawî yên teror û gef û kirdarên terorîstên DAIŞê, erkê Hevpeymaniya Navdewletiya Dijî DAIŞê li Iraqê, hemahengiya di navbera Pêşmerge û artêşa Iraqê li rûbirûbûna terorîstan, rewşa dawî ya belavbûna pejika Kovid-19 û rûbirûbûna wê ya li Iraq û Brîtanya guftûgo kirin.
Herwiha di civînê de tekez li ser xwesta du aliyane ya ji bo pêşxistina peywendiyên Herêma Kurdistan û Brîtanya kirin û derfeta kar û veberhênanê ji bo kerta taybet û kompanyayên Brîtaniyan li Iraq û Herêma Kurdistanê xistin ber behs.
Rewşa navxwe ya Herêma Kurdistanê, diyaloga stratejiya Iraq – Amerîka, peywendiyên Herêma Kurdistanê li gel welatên dewruber, pirsa Sûriye, pêşketinên dawî yên navçeyê bi giştî û çend pirseke dinê girîng û hevbeşbûn, mijarên dinê civînê bûn ku xanima Melanie Smart Konsola Giştî ya Brîtanya bi wekalet li Herêma Kurdistanê û şandeke siyasî û serbaziya Brîtanî amade bû.
