Mesrûr Barzanî daxwazê ji welatiyan dike pabendî rênimayên tendirustî, pakî û xweparêziyê bibin

Navenda Nûçeyan (K24) – Serokwezîrê Herêma Kurdistanê Mesrûr Barzanî derbarê belavbûna nexweşiya Kolerayê de daxwaz ji welatiyan dike pabendî rênimayên tendirustî, pakî û xweparêziyê bibin.

Serokwezîr Mesrûr Barzanî li hejmara xwe ya tora civakî nivîsî: “Nûçeya belavbûna pandemiya Kolerayê li Silêmanî û Hewlêrê ez nîgeran kirim. Bi Wezîrê Tendirustiyê re di pêwendiyê de me ji bo girtina rêkarên pêwîst ji bo kontrolkirina vê pandemiyê.”

Her wiha Serokwezîr Mesrûr daxwaz ji welatiyên kir jî, pabendî rênimayên tendirustî, pakî û xweparêziyê bibin.

Ev peyama Serokwezîrê Herêma Kurdistanê piştî wê tê, Wezareta Tendirustiyê ya Herêma Kurdistanê di daxuyaniyekê de belav kiribû ku hejmara nexweşên zikçûnê zêde bûye û hejmarek nexweşên Kolerayê hatine tomarkirin.

هه‌واڵی بڵاوبوونه‌وه‌ی پەتای کۆلێرا لە سلێمانی و ھەولێر نیگەرانی کردم. لەپەیوەندیدام لەگەڵ وەزیری تەندروستی لەپێناو گرتنەبەری ڕێکاری پێویست بۆ کۆنتڕۆڵکردنی ئەم پەتایە.

داوا لە ھاووڵاتییانی خۆشەویست ده‌كه‌م، پابەندی ڕێنمایی تەندروستی و پاکوخاوێنی و خۆپارێزی بن.

— Masrour Barzani (@masrour_barzani) June 19, 2022