Putin bo Komkara Erebî: Em rijd in li ser piştevanîkirina welatên Rojhilata Navîn
Navenda Nûçeyan (K24) – Serokê Rûsyayê Vladimir Putin tekezî li ser girîngîdana welatê xwe kiriye ji bo pêşvebirina pêwendiyên dostane yên ligel welatên Erebî, da ku bi awayekî bi bandor rûbirûyî gef û astengiyan bibin.
Malpera Russia Today ragihandiye, Serokê Rûsyayê Vladimir Putin nameyek ji bo beşdarên Lûtkeya Erebî ya li bajarê Ciddeyê şandiye û diyar kiriye ku Rûsya girîngiyeke mezin dide pêşvebirina pêwendiyên dostane û hevkariyên hevbeş ên avaker ligel welatên Rojhilata Navîn û Bakurê Efrîqayê.
Putin destnîşan kiriye ku ew rijd in li ser berdewambûna piştevanîkirina hewldanan ji bo çareserkirina kêşeyan bi rêya aştiyê, ji wan kêşeyan; qeyranên Sûdan, Yemen, Lîbya û Sûriyê, ligel rêzgirtina bêyî binpêkirina serweriya welat û birgeyên niha yên yasayên navdewletî.
Herwiha tekez kiriye ku Rûsya pêşkêşkirina hemû hevkariyan ji bo yekalîkirina milmilaniya Filistîn û Îsraîlê li ser bingeha biryarnameyên Neteweyên Yekgirtî, didomîne.