Sê partiyên Kurdistanî hevpeymanîtiyekê ji bo hilbijartinên Perlemana Kurdistanê pêk tînin

Navenda Nûçeyan (K24) - Partiya Sosyal Demokrat a Kurdistanê, Partiya Komunîst a Kurdistanê û Partiya Zehmetkêşan a Kurdistanê hevpeymanîtiyekê ji bo tevlîbûna di hilbijartinên gera şeşê ya Perlemana Kurdistanê de pêk tînin û Mihemedê Hacî Mehmûd jî dibe serokê wê lîstê.

Serokê Partiya Sosyal Demokrat a Kurdistanê Mihemedê Hacî Mehmûd îro (Pêncşem, 14.03.2024) di konfiranseke rojnamevanî de pêkanîna hevpeymanîtiya navbera sê partiyan ji bo tevlîbûna di hilbijartinên gera şeşê ya Perlemana Kurdistanê de ragehand.

Serokê Partiya Sosyal Demokrat a Kurdistanê got, “Partiya Sosyal Demokrat a Kurdistanê, Partiya Komunîst a Kurdistanê û Partiya Zehmetkêşan a Kurdistanê li jêr navê Hevpeymanîtiya Herêma Kurdistanê tevlî hilbijartinên Perlemana Kurdistanê dibin”.

Pêştir jî Yekîtiya Neteweyî ya Demokrata Kurdistanê, Partiya Parêzgerên Kurdistanê, Partiya Rencderên Kurdistanê û Ebdulayê Hacî Mehmûd Hevpeymanîtiya Serdem ji bo tevlîbûna di hilbijartinên gera şeşê ya Perlemana Kurdistanê de ragehand û Ebdulayê Hacî Mehmûd bû serokê wê lîstê.

Roja 10ê Hezîrana 2024ê hilbijartinên gera şeşê ya Perlemana Kurdistanê dê bên kirin û dê ji aliyê Komisyona Bala ya Serbixwe ya Hilbijartinan a Îraqê ve bên serperiştîkirin.