Hêsankarî ji bo weberhênerên Amerîkayê li Herêma Kurdistanê tên kirin

Navenda Nûçeyan (K24) - Serokê Desteya Weberhênanê ya Hikûmeta Herêma Kurdistanê radigehîne, “Em hêsankariyên temam ji bo weberhênerên Amerîkayê dikin, ku pirojeyên weberhênanê li Herêma Kurdistanê bi cih bînin”.

Serokê Desteya Weberhênanê ya Hikûmeta Herêma Kurdistanê Mihemed Şukrî îro (Yekşem, 17.03.2024) bi Serokê Odeya Bazirganî ya Amerîkayî-Herêma Kurdistanê Dori Abouzeid û cîgira wî Barbara Abel re civiya.

Li dû ragehandina Desteya Weberhênanê ya Hikûmeta Herêma Kurdistanê, armanca serdana Odeya Bazirganî ya Amerîkayî-Herêma Kurdistanê paldana weberhênerên Amerîayê ji bo Herêma Kurdistanê û tevlîbûna wan di pirojeyên weberhênanê di kertên cuda cuda de ye.

Mihemed Şukrî berheviya xwe li ser hêsankariyên ji bo weberhênerên Amerîkayê di bicihanîna pirojeyên weberhênanê de li Herêma Kurdistanê diyar kir.