نەخشی بۆیە شوێنی خەنە دەگرێتەوە

K24 - سلێمانی

لەم چەند ساڵەی دواییدا زۆر لە خانمان زیاتر گرنگی بە جوانكاری دەدەن، دروستكردنی نەخش بە بۆیە لەسەر نینۆك یەكێكە لەو جوانكاریانە، كە شوێنی خەنەی گرتووەتەوە.

فێنك ئاسۆ، كە 7 ساڵە لە بواری جوانكاری كار دەكات بە كوردستان24ی گوت: "نینۆك یەكێكە لە جوانكارییەكانی ئافرەتان و حەزی پێدەكەن و جوانی دەبەخشێ بە دەستە ماندوبووەكانیان".

دەشڵێت: "خانمان بەپێی وەرزەكان نەخش و ره نگەكان هەڵدەبژێرن، زۆر كات داوای دیمەنی سرووشت و گەڵا دەكەن".

ئاماژەی بەوەشكرد: "ئێستا خانمان كەمتر خەنە بەكاردەھێنن، چونكە خەنە زوو رەنگی دەڕوات و تێكدەچێت".