كەشناسی: بەفر و باران بەڕێوەیە
K24 - ھەولێر
كەشناسی رایدەگەیەنێت، شەپۆلێكی دیكەی باران و بەفر روو لە ھەرێمی كوردستان دەكات و چەند رۆژێك دەخایەنێت.
لە راگەیەندراوێكدا بەڕێوەبەرایەتی كەشناسی و بومەلەرزەزانی ھەرێمی كوردستان رایگەیاند: "ئەمشەو لەكاتەكانی درەنگدا كاریگەری باران كار دەكاتە سەر ناوچەكەمان. لەبەرەبەیانی رۆژی ھەینی بارانبارین دەستپێدەكات و سەرەتا ئاستی بارانبارین رێژەی كەمتر دەبێت، بەڵام لە دوانیوەڕۆی رۆژی ھەینی كاریگەری بارانبارین زیاتر دەبێت و بەفر لە ناوچە شاخاوییەكان دەبارێت. ئاستی باران و بەفر لە سنووری پارێزگای دھۆك كاریگەری زیاتر دەبێت".
كەشناسی راشیگەیاند: "ئەم نزمە پاڵە پەستۆیە تاكو رۆژی دووشەممە لەسەر ناوچەكە دەمێنێتەوە".
