عامری پیرۆزبایی له نێچیرڤان بارزانی دهكات
K24 – ههولێر:
له پهیوهندییهكی تهلهفۆنیدا لهگهڵ نێچیرڤان بارزانی سهرۆكی ههرێمی كوردستان، هادی ئهلعامری، ئهمینداری گشتیی رێکخراوی بهدر پیرۆزبایی له نێچیرڤان بارزانی كرد و هیوای سهركهوتنی بۆ خواست له ئهرکه نوێیهكهیدا.
عامری ههروهها هیوای خواست وهرگرتنی پۆستی سهرۆكی ههرێمی كوردستان لهلایهن نێچیرڤان بارزانییهوه ببێته هۆكاری سهقامگیری و بهرهوپێشهوهچوونی زیاتری ههرێمی كوردستان و عێراق بهگشتی، ههماههنگی و هاوكاریی نێوان ههولێر و بهغداش بۆ چارهسهركردنی كێشهكان و ڕووبهڕووبوونهوهی تیرۆر باشتر بکات.
لای خۆیهوه سهرۆكی ههرێمی كوردستان سوپاسی پهیوهندیی تهلهفۆنی و پیرۆزباییهكهی عامری كرد و جهختی له هاوكاری و ههماههنگیی زیاتری ههرێمی کوردستان و حکوومهتی فیدراڵ و چارهسهركردنی كێشهكان به رێگهی دیالۆگ و گفتوگۆ كردهوه.