تەرمی شوانێك لە چەمی ناڵپارێز دۆزرایەوە
K24 - پێنجوێن
دوای ئەوەی دوێنێ شوانێك بێسەروشوێن بوو، ئەمڕۆ تەرمەكەی لە چەمی ناڵپارێز دۆزرایەوە.
هێمن ئیبراهیم، بەڕێوەبەری ناحیەی ناڵپارێز بە کوردستان24ی راگەیاند: "دوای ئەوەی شوانکارێك بە ناوی محەمەد کەریم، دانیشتووی گوندی گوڵان-ی سەر بە ناحیەی ناڵپارێز دوێنێ ئێوارە بێسەروشوێن بوو، هاووڵاتییان و لیژنەی ئەمنیی ناڵپارێز بەدوای گەڕاون نەیان دۆزیووەتە، بەڵام دواتر زاندراوە كه لە چەمی ناڵپارێز خنکاوە".
گوتیشی: "تیمەکانی بەرگریی شارستانیی سلێمانی و تیمی مەلەوانیی دەربەندیخان بە هەماهەنگی لەگەڵ لیژنەی ئەمنیی ناڵپارێز توانیویانە کاتژمێر 9ی بەیانیی ئەمڕۆ، تەرمەکەی لە رووبار دەربێنن".