شاخەوانێک لە چیای هەڵگورد کەوتە خوارەوە
K24 – ههولێر:
لە چیای هەڵگورد لە چۆمان، شاخەوانێک لەسەر بەفر دەخزێت و بریندار دەبێت.
عەمید خالید عەلی محەمەد، سەرپەرشتیاری فڕۆکەوانی وەزارەتی ناوخۆ لە بەڕێوەبەرایەتی گشتی هاتووچۆ، بە کوردستان24ی راگەیاند: "کاتژمێر 10:30 خولەکی ئەمڕۆ، کەسێک لەسەر چیای هەڵگورد خزاوە و سەری بەر بەردێک کەوتووە".
راشیگەیاند: "تیمەکانی فڕۆکەوانی چوونە فریای ئەو کەسە و لە ئێستادا لە هەوڵدان بۆ نەخۆشخانەی فریاکەوتنی رۆژئاوای هەولێری بگوازنەوە".
لەبارەی تەندروستی شاخەوانەکە، عەمید خالید ئاشکرایکرد، تەندروستی مامناوەندە و ژیانی لە مەترسیدا نییە.
H.J