سلێمانی.. بنكه‌یه‌كی پۆلیس 57 تۆمه‌تباری ده‌ستبه‌سه‌ر كرد
K24 – سلێمانی:
به‌ڕێوبه‌رایه‌تیی پۆلیسی سلێمانی بڵاوی كرده‌وه، له ماوه‌ی یه‌ك هه‌فته‌دا، هێزەكانی بنكەی پۆلیسی راپەڕین 57 تۆمەتباریان دەستگیر كردووه.
بەڕێوبەرایەتیی پۆلیسی پارێزگای سلێمانی راشیگه‌یاند، بەشێكی زۆر لەو تۆمەتبارانە زیادەڕۆییان كردووه‌تە سەر موڵك و ماڵی گشتی.
سه‌باره‌ت به تۆمه‌تباره‌كانیش، پۆلیس روونی كردووه‌ته‌وه:
- دوو تۆمەتبار بەپێی ماددەی 21ی چەك دەستگیر كراون.
- تۆمەتبارێك بەپێی ماددەی 456 لە یاسای سزادانی عێراقی ده‌ستگیر كراوه، كە فێڵی لە هاووڵاتیان كردووه.
- 48 تۆمەتبار بەپێی ماددەی 548 لە یاسای سزادان ده‌ستگیر كراون، كە زیادەڕۆییان كردووه‌ته سەر موڵك و ماڵی گشتی.
- 6 تۆمەتباری تریش بە چەند ماددەیەك لە یاسای سزادانی عێراقی ده‌ستگیر كراون.