Artêşa Tirkiyê gundên Efrînê û navçeyên wê topbaran dike

K24 - Navenda Nûçeyan

Li gorî peyamnêrê Kurdistan24ê, artêşa Tirkiyê gundê Hac Hesna yê ser bi bajarokê Şiyê ve û bi giranî gundên Raco, Bilbilê û navenda Cindrêsê topbaran dike.

Nûçegihanê Kurdistan24ê li Efrînê ragihand, ku çekdarên ketîbeyên ku navê (Artêşa Azad) li xwe dikin, dest bi talan û diziya malên sivîlan, li deverên navhatî kirine.

Li gorî navenda ragihandina YPGê, di encama êrîşên Tirkiyê de li ser Cindrêsê, beşekî goristana wî bajarokî wêran bûye.

Ji 20 meha derbasbûyî ve, artêşa Tirkiyê û hin ketîbeyên bi navê (Artêşa Azada Sûriyê) dest bi operasyoneke serbazî li bajarê Efînê yê Rojavayê Kurdistanê kirin.