Siyasî

Rûsya hin navçeyên Der`a radestî Artêşa Azad dike

Rûsya û çekdarên opozisyonê li parêzgeha Der'ayê, gihan rêketinekê ku rêveberiya hejamarek ji navçeyên wê parêzgehê, radestî Artêşa Azad bê kirin.

Kurdistan24 Hewlêr 2018/07/11 11:57

sûriyê Rûsya Sûrya Der`a Artêşa Azad

K24 - Navenda Nûçeyan

Rûsya û çekdarên opozisyonê li parêzgeha Der'ayê, gihan rêketinekê ku rêveberiya hejamarek ji navçeyên wê parêzgehê, radestî Artêşa Azad bê kirin.

Hevrêzkarê giştî yê şanda opozisyona li başûrê Sûryê, Ednan El-Mesalmê ji medya opozisyonê re ragihand, ku ew li gel şandeke Rûsî bi serokatiya Alexander Lavrentiev şanderê taybet ê Serokê Rûsyê ji bo Sûryê li bajarokê Busra El-Şam civiyan.

Bi gotina Ednan El-Mesalmê, wan li gel aliyê Rûsî lihev kiriye, ku Artêşa Sûryê ji taxa Sucne ya bajarê Der'a derkeve û rêveberiya wê taxê û hejmarek ji gundên derdora Der'a radestî Artêşa Azad bike.

Li gorî El-Mesalmê, Rûsya xalên xwe yên nû ji bo pişkinînê, li herdu navçeyên Sewam'i û Gumrika Kevin daniye, herwiha razîbûneke demkî daye xuyakirin, li ser veguhestina wan kesên ku rêketinê li gel rêjîma Sûryê red dikin.

N.O