Bi vîdyo.. YPG şêwirmendekî Erdogan gullebaran dike

Medya Tirkiyê: Piştî ku teqe li şêwirmendê Erdogan hat kirin, zirîpoşên Tirkiyê bersiva cihê êrîşê dan.

Kurdistan24 Hewlêr 2018/01/30 18:47

K24 - Navenda Nûçeyan

Şêwirmendê serokê Tirkiyê û rêvbirê giştî yê ragihandin û belavkirinê Mihemed Akarce, dema ku serdana hêzên Tirkiyê li devera Ezazê kiribû, ji aliyê hêzên YPG ve teqe lê hat kirin.

Nûçegihanê kenala (Nt.v) li ser wê yekê ragihand, Akarce li navçeya Ezazê bû, ji bo çavdêriya şer bike û şandeke mezin ji medyakarên Tirkiyê li gel wî bû, wê demê ji aliyê Efrînê ve, teqe li wan hat kirin.

Wî nûçegihanî got: "Piştî bihîstina dengê teqeyan, hêzên emnî yên wê şandê, tedbîrên parastina şêwirmendê Erdogan stendin û piştre dengê teqîna guleya RBJ hat û bi awayekî lezgîn zirîpoşên Tirkiyê bersiva cihê êrîşê dan".

Operasyona artêşa Tirkiyê ji roja 20ê vê mehê ve destpê kiriye û heya niha jî, li gorî ku YPGê tekez dike, artêşa Tirkiyê gundek jî ji gundên Efrînê kontrol nekiriye.