Asayişa Qamişlo endamekî din ê PDK-Sê binçav kir

K24 – Navenda Nûçeyan

Asayişa Qamişlo endamekî Partiya Demokrat a Kurdistanê – Sûriyê (PDK-S) binçav kir.

Jêderekî ji PDK-Sê ji K24ê re ragihand, derengê şeva bûrî dewriyeke asayişê avêtin ser mala endamê PDK-Sê Şoreş Murad û ber bi cihekî ne diyar ve birin.

Demek e Asayişa Rojava endam û serkirdeyên partî û rêxistinên di nava ENKS digire û tometa girtina wan jî nayin diyarkirin.

Duhê jî, asayişa Dêrikê endamê Sekreteriya YXCDK-R û endamên Komîta Herêmê yê PDK-Sê Deham Mihemd Osman li gundê Kelhê binçav kiribûn.

S. B