Newroz li Diyarbekirê bi coşeke mezin bi rê ve diçe

K24 – Navenda Nûçeyan

Îro gelê Kurdistanê li hemû bajar, bajarok û gundê Kurdistanê cejna Newrozê pîroz dikin. Li bajarên Bakurê Kurdistanê û Tirkiyê jî îro pîrozbahiyên mezin bi rê ve diçin, lê mezintirîn ahenga cejna Newrozê li Diyarbekir bi çoş bi rê ve diçe.

Peyamêrê K24ê li nava ahenga bajarê Diyarbekirê got, Newroza herî bi coş û mezin li bajarê diyarbekirê tê pîrozkirin. Xelkê Diyarbekirê agir pêşxist û bi ala Kurdistanê û alên HDPê beşdarî merasîma Newrozê bûne.

Her çiqas gelê Kurdistanê cejna Newrozê pîroz dike û aheng û şahiyan bi rê ve dibin, lê bandora êrîşa artêşa Tirkiyê li ser Efrînê bandora xwe li şahiyên Newroz kiriye û bi xemekê Newrozê pêşwazî dikin, lê welatî û siyasetmedarê Kurdî dibêjin, Newroz nîşana azadî û berxwedanê û banga yekrêziyê dikin.