Medya Tirkiyê: Welatiyên sivîl ji Efrînê derdikevin

K24 - Navenda Nûçeyan

Îro medya Tirkiyê çend wêneyên derketina xelkê sivîl ji bajarê Efrînê belav kir.

Li gorî wêneyên ku medya Tirkiyê belav kiriye, hejmarek zêde ji welatiyên sivîl bi otombêlan bûne rêz û ji bajarê Efrînê bar dikin.

Her li gorî zanyariyên medya Tirkiyê, piraniya wan welatiyan, berê xwe didin Minbic û bajarokên Nubul û Zehra yên li başûrê Efrînê dikevin.

Duh serokê Tirkiyê Recep Tayip Erdogan, eşkere kir ku 4 K.M mane artêşa welatê wî derbasî nav bajarê Efrînê bibe.

Di 20ê Çileya derbasbûyê ve, ku dike 53 roj berî niha, arteşa Tirkiyê li gel hin ketîbeyên ser bi opozisyona Sûryê ve, dest bi operasyona (Şaxê Zeytûnê) kirine li Efrînê û heya niha jî berdewam e.

Li gorî amarên fermî yên artêşa Tirkiyê, heya niha 42 serbazên wan hatine kuştin û 202 serbazên din jî birîndar bûne.

N.O