Tirkiye 3 mehan dorpêça li ser firîngeha Silêmaniyê dirêj kir

K24 - Navenda Nûçeyan. 

Hikûmeta Tirkiyê biryareke nû derbarê destpêkirina geştên wê ji bo firîngeha Silêmaniyê derxist û li gorî wê biryarê, dorpêça li ser wê firîngehê, ji bo sê mehên din, ji aliyê Tirkiyê ve hat dirêjkirin.

Di daxuyaniyekê de ji bo Kurdistan24ê, rêvebirê firîngeha Silêmaniyê  Tahir Ebdella ragihand, ku ji îro ve, heya sê mehên din, Tirkiye dorpêça xwe li ser firîngeha navdewletî ya Silêmaniyê dirêj kiriye û Bexda ti pêngavek ji bo destpêkirina geştên ezmanî ji bo firîngeha Silêmaniyê ji aliyê Tirkiyê ve, ne avêtiye.

Piştî encamdana referanduma serxwebûna Kurdistanê, geştên ezmanî di navbera Herêma Kurdistanê û Tirkiyê de hatin rawestandin, lê Tirkiyê bi bihaneya ku hin partî li bajarê Silêmaniyê alîkariya "terorîstan" dikin, red dike ku dorpêçê li ser firîngeha Silêmaniyê bidawî bîne.

N.O