نووسه‌ر و وه‌رگێڕى كورد حه‌كيم كاكه‌وه‌يس كۆچى دواييكرد
K24 – به‌غدا:
ئه‌مڕۆ له شارى به‌غدا، نووسه‌ر و وه‌رگێڕى كورد، حه‌كيم كاكه‌وه‌يس (1949 - 2018) دواى ته‌مه‌نێك له خزمه‌تكردنى كتێبخانه و كايه‌ى رۆشنبيرى كورديى كۆچى دواييكرد.
حه‌كيم كاكه‌وه‌يس له بوارى وه‌رگێڕاندا، توانييويه‌تى شاره‌زايانه به‌شێكى به‌رچاوى به‌رهه‌مه‌كانى نووسه‌ر و بيرمه‌ندى كورد، مه‌سعوود محه‌ممه‌د، له عه‌ره‌بييه‌وه بكاته كورديى.
هه‌روه‌ها له بوارى ئه‌ده‌بيشدا توانيويه‌تى چه‌ندين رۆمان و شاكارى ئه‌ده‌بى گه‌لانى جيهان بكاته كورديى.
له رووى سياسيشه‌وه، حه‌كيم كاكه‌وه‌يس هه‌ميشه يه‌كێك بووه له داواكارانى هێنانه‌دى ئاشتى و ته‌بايى و پێكه‌وه ژيانى پێكهاته‌كانى كه‌ركووك.
ديارترين به‌رهه‌مه‌كانى:
-1984
-بازنەی ترس
-بۆ گورباشۆڤی مەزن: لەگەڵ سڵاو و هیواخوازیدا
-بۆچوونێک لەسەر لێکدانەوەی مرۆیی مێژوو
-بەردیش بەدەنگ دێ؛ منداڵی لە کەمبۆدیا 1975 – 1980
-پرسیارەکان، هێشتا تینووی وەرامن
-پەرەسترۆیکای گۆرباشۆڤ
-تەونی جاڵجاڵۆکە
-دەمودووی هزر
-زمانی کورد
-شاخەکانیش دەنگیان دایەوە
-گورگی رووتەڵان
-لە پێناوی پتەوکردنی برایەتی عارەب و کورددا
-مەسعود محەمەد: ڕۆڵ و هەڵوێستی سیاسی 1946- 1965
-مەملەکەتی سەگەکان
-نامەکانی مەسعوود محەمەد
-نەتەوایەتی کورد و ئیسلامەتییەکەی
-هاوسەنگکردنەوەی تەرازوویەکی سەنگەلا
-کۆچ هەڵیبژاردم
-کۆمەڵگەی ئادەمیزاد؟ بۆچی لە شێتخانە دەچێ؟
-کۆڵارە فڕێن
-کێڵگەی ئاژەڵان