باشترین پێكهاته‌ی چامپیۆنس لیگ دیاریی كرا

K24 ـ ژووری هه‌واڵ

دوای گه‌یشتنی یانه‌كانی به‌ قۆناخی 16ـی خولی یانه‌ پاڵه‌وانه‌كانی ئه‌ورووپا، باشترین پێكهاته‌ی قۆناخی كۆمه‌ڵه‌كان دیاریی كرا، نه‌ لیۆنێل مێسی و نه‌ هیچ یاریزانێكی یانه‌ی بارسێلۆنا له‌ پێكهاته‌كه‌دا نا‌بینرێن.

ئه‌مڕۆ چوارشه‌ممه‌، 16 كانوونی یه‌كه‌م/ دیسه‌مبه‌ری 2015، فیدراسیۆنی تۆپی پێی ئه‌ورووپا باشترین پێكهاته‌ی قۆناخی كۆمه‌ڵه‌كانی له‌سه‌ر ماڵپه‌ری فه‌رمی خۆی (یوفا) بڵاو كرده‌وه‌، یانه‌كانی بایرن میونشن و پاریس سان جێرمان هه‌ریه‌كه‌یان و به‌ 2 یاریزان له‌ پێكهاته‌كه‌دا به‌شدارن.

ئه‌مه‌یش پێكهاته‌كه‌یه‌:

گۆڵپارێز: (تراپ ـ پاریس سان جێرمان).

به‌رگریكار: ئالابا ـ بایرن میونشن،  گۆدین ـ ئاتڵێتیكۆ مه‌درید،  تیاگۆ سیلڤا ـ پاریس سان جێرمان،  بارزاگلی ـ یوڤێنتووس.

ناوه‌ڕاستكار: ره‌حیم ستێرلینگ ـ مانچسته‌ر سیتی،  ویلیان ـ چێڵسی،  سڤێن كومس ـ جینت.

هێرشبه‌ر: كریستیانۆ ـ ریال مه‌درید،  موله‌ر ـ بایرن میونشن،  هاڵك ـ زینت

فیدراسیۆنی تۆپی پێی ئه‌ورووپای ناسراو به‌ (یوفا) له‌ دوای كۆتایی هاتنی هه‌ر هه‌فته‌ و قۆناخێك له‌ چامپیۆنس لیگ باشترین پێكهاته‌ دیاریی ده‌كات.