لیژنه‌ی ئاساییكردنه‌وه‌ی ره‌وشی هه‌رێم تاوتوێی كاراكردنه‌وه‌ی په‌رله‌مان ده‌كات
K24 – هه‌ولێر:
شاندی یەكێتیی نیشتمانی كوردستان، پارتی دیموكراتی كوردستان و یەكگرتووی ئیسلامیی كوردستان، لەچوارچێوەی ئەو لیژنەیەی بۆ كاراكردنەوەی پەرلەمان و حكومەت پێكهێنراوە، یەكەمین كۆبوونەوەیان لە شاری ھەولێر ئەنجامدا.
عومەر محەمحەد ئەندامی سەرکردایەتی یەکگرتووی ئیسلامیی كوردستان سەبارەت بە كۆبوونەوەكەی ئەمڕۆ رایگەیاند: "دەبێت ھەموومان ھاوكاربین بۆ كاراكردنەوەی پەرلەمان و حكوومەت، خەڵكی كوردستانیش لەم قەیرانە رزگاربكەین، چونكە ئەوە كاری ئێمەیە ئەو دۆخە تێبپەڕێنین و كێشەكان چارەسەر بكەین و مووچەی خەڵك بدەین و دڵی خەڵك خۆش بكەین".
