دانیشتوانی زاخۆ دەستكەوتەكانی راپەڕین بە گرنگ دەزانن
K24 - زاخۆ:
چین و توێژەكانی زاخۆ بە دەربڕینی خۆشی و شادی یادی 25ساڵەی راپەڕین دەكەنەوە و ئاماژە بۆ ئەوە دەكەن، نابێ ئەوە لەبیر بكەین، راپەڕین وەدەرنانی دیكتاتۆریەت بوو لە باشووری كوردستان و دەبێ دەستكەوتەكانی بە گرنگ بزانین.
دوای ئازادكردنی چەند شار و شارۆچكەیەكی كوردستان 25ساڵ لەمەوبەر لە رۆژێكی وەك ئەمڕۆدا خەڵكی زاخۆ دژی رژێمی بەعس راپەڕین و شارۆچكەكەیان لە دەستی بەعس رزگاركرد، لە ساڵیادی رزگاركردنی ئەم شارۆچكەیە دانیشتووانی بە چەندین چالاكی جۆراوجۆر خۆشی و شادی دەردەبڕن و باس لە گرنگی راپەڕین و دەستكەوتەكانی دەكەن.
ھاوشێوەی شاروشارۆچكەكانی دیكەی باشووری كوردستان لە 13/3/1991، ھاووڵاتیانی زاخۆ دژی رژێمی بەعس راپەڕین و زاخۆیان رزگار كرد.