تا ئێستا زیاتر لە یەك ملیار كه‌س له جیهان ڤاکسینی كۆرۆنایان وه‌رگرتووه
K24- هه‌ولێر:
بەگوێرەی ئامارێکی ئاژانسی هەواڵی فرانس پرێس، دوای کەمتر لە 5 مانگ لە بەرهەمهێنان و گەیشتنی ڤاکسینی كۆرۆنا، تا کاتژمێر 8:45 خوولەكی ئێوارەی 24ی نیسانی 2021، بە دیاریکراوی یەك ملیار و 2 ملیۆن و 938 هەزار و 540 ژەمه ڤاكسینی جیاواز لە 207 وڵات و هەرێم لە جیهان بەکارهاتوون.
وه‌ك له ئاماره‌كه‌دا ئاماژه‌ی پێدراوه، له 58%ی ئەو ڤاکسینانە لە سێ وڵاتی: ئەمه‌ریکا، چین و هیندستان بەکارهاتوون.
ئەمه‌ریکا لە پلەی یەکەم دێت و 225 ملیۆن و 600 هەزار ژەمی ڤاکسینەکەی بەکارهێناوە.
دواتر چین دێت، کە 216 ملیۆن و 100 هەزار پێکوتەی ڤاکسینەکەی دابینکردوون، هیندستان بە 138 ملیۆن و 400 هەزار لە پلەی سێیەم دێت.
H.B
