هه‌ولێر.. كه‌سێك به تۆمه‌تی ته‌قه‌كردن له ماڵی خوشكی ده‌ستگیركرا
K24 – هه‌ولێر:
له لێدوانێكدا بۆ كوردستان24، مقەده‌م هۆگر عەزیز گوتەبێژی پۆلیسی هەولێر رایگه‌یاند، كه‌سێكیان ده‌ستگیركردووه، كه به كڵاشینكۆف ته‌قه‌ی له ماڵی خوشكی خۆی كردووه.
گوتیشی: بەشی پۆلیسی قەزای دەشتی هەولێر، بنکەی پۆلیسی دەشتی هەولێر، تۆمەتبارێکیان بە ناوی (د.م.ا) قۆڵبەست کرد، کە بە چەکێکی جۆری کڵاشینکۆف تەقەی لە ماڵی خوشکی خۆی کردبوو.
هه‌روه‌ها گوتی: لە کاتی دەستگیرکردنیدا دەست بەسەر چەکە بەکارهاتووەکە و دەمانچەیەک و دوو نارنجۆک و کۆمەڵێک فیشەک و مەخزەندا گیراوه، پەڕاوی لێکۆڵینەوەی بۆ ڕێکخرا و بە مەبەستی گرتنەبەری رێکارە یاساییەکان بەرامبەری، رادەستی بەشی پۆلیسی نەهێشتنی تاوان کرا.
