شاندێکی حکومەتی عێراق بۆ پرسی ئاو دەچێتە تورکیا
K24- ههولێر:
مەهدی رەشید حەمدانی، وەزیری سەرچاوە ئاوییەکان لە حکومەتی عێراق ئەمڕۆ هەینی 11ی حوزهیران/ یۆنیۆی 2021 رایگەیاند، لە چەند رۆژی داهاتوودا شاندێکی تەکنیکی بۆ پرسی بەردانەوەی بەشە ئاو سەردانی تورکیا دەکات.
لە رگەیەندراوێکی رۆژنامەوانیدا، حەمدانی ئاماژەی بهوه كرد، بڕیارە کۆبوونەوهی تەکنیکی شاندی عێراق و تورکیا لە 21ی ئەم مانگە لە ئەنقەره بەڕێوەبچێت، گفتوگۆ لهبارەی بەردانەوەی بەشە ئاو لە هەردوو رووباری دیجلە و فورات دەکەن، لەگەڵ کاراکردنی پڕۆتۆکۆلەکانی هەماهەنگی تایبەت بە ئاو.
یەکەم پڕۆتۆکۆل لە نێوان تورکیا، سوریا و عێراق لە ساڵی 1920 واژوو کراوە، کە ناوەڕۆکەکەی پەیوەستە بە دروستکردنی بەنداو و گۆڕینی راڕەو یان ئاراستەی هەردوو رووبارەکە، بەو مەرجەی زیان بەر هیچ یەکێک لە لایەنەکانی رێککەوتنەکە نەگەیەنرێت.
د.ی