گرافیك... پەیوەندی مێژوویی نێوان هەرێمی کوردستان و فەرەنسا
K24 – هەولێر
پەیوەندییەکانی هەرێمی کوردستان و وڵاتی فەرەنسا، بۆ سەردەمی شۆڕشی ئەیلوول دەگەڕێتەوە، ئەو کاتەی گەلی کورد لە باشووری کوردستان رووبەڕووی زوڵم و ستەمی رژێمی بەعس بووەوە، ئەوسا فرانسۆ میتەران سەرۆکی فەرەنسا بوو.
دانیال میتەران، هاوسەری فرانسۆ میتەران رۆڵێکی گرنگی هەبوو لە پەیوەندییەکانی نێوان شۆڕشی کوردستان و فەرەنسا و ناساندنی دۆزی کورد بە جیهان، بەهۆی پاڵپشتییە بەردەوامەکانی سەرۆک بارزانی ناسناوی (دایکی کوردی) پێبەخشیووە.
لە ساڵی 1983 بۆ یەکەمجار ئینستیوتی کورد لە پاریس دامەزرا، کە سیاسی و رۆشنبیرانی کورد لەو رێگەیەوە هەوڵیدان کولتوور و فەرهەنگی کوردستان بگەیەننە جیهان.
لەدرێژەی ئەنفال و جینۆسایدی کورد لەلایەن رژێمی بەعسی عێراق لە ساڵانی هەشتاکانی سەدەی رابردوو، لە ساڵی 1989 فەرەنسا دەرگای بە رووی کورد دا کردووەتەوە و هەزار کوردی وەک پەنابەر وەرگرت.
لە ساڵی 1991 لە دوای راپەڕینی خەڵکی کوردستان، ئەنجومەنی ئاسایشی نێودەڵەتی بڕیار 688ی دا بۆ دامەزراندنی ناوچەی دژەفڕین، کە مەبەست لێی پاراستنی هەرێمی کوردستان بوو، فەرەنسا پاڵپشتی لە بڕیارەکە کرد و هەوڵەکانی خاتوو دانیال میتەران کاریگەری هەبوو بۆ دەرکردنی ئەو بڕیارە.
لە ساڵی 1992 کاتێک پەرلەمانی کوردستان دامەزرا، دانیال میتەران سەردانی کوردستانی کرد و بەشداری لە کۆبوونەوەکانی پەرلەمانی کوردستان کرد و وێسگەیەکی دیکەی پەیوەندیی لەگەڵ هەرێمی کوردستان دەستپێکرد.
لە ساڵی 2008 کونسوڵخانەی فەرەنسا لە هەرێمی کوردستان کرایەوە، کە ئەمەش قۆناغێکی دیکەی پەیوەندییەکانی نێوان هەولێر و پاریس بوو.