بەڕێوەبەرایەتی کارەبای هەولێر هاووڵاتییان ئاگادار دەکاتەوە

K24 - هەولێر

بەڕێوەبەرایەتی دابەشکردنی کارەبای هەولێر رایدەگەیەنێت، بەهۆی قەرەباڵغی و سەردانی زۆری هاووڵاتییان، لەمەودوا دەوامی بەشی فرۆشتنی کارەبا بۆ کاتژمێر 4ی ئێوارە درێژ دەکرێتەوە.

لە ئاگاداریەک بۆ هاووڵاتییان، بەڕێوەبەرایەتی دابەشکردنی کارەبای هەولێر1 ئاماژەی بەوەداوە: "بۆ كەمكردنەوەی قەرەباڵغی و رۆتین و جێبەجێكردنی بڕیاری ئەنجومەنی وەزیرانی هەرێمی کوردستان، بەلێخۆشبوون لە 15%ی قەرزی كارەبا، بەڕێوەبەرایەتی دابەشكردنی كارەبای هەولێر بڕیاری درێژكردنەوەی دەوامی فەرمی بەشی فرۆشتنی كارەبای دا تاكو 4ی ئێوارە".

وەک هاوکاری کردنی هاووڵاتییان، ئەنجومەنی وەزیرانی هەرێمی کوردستان بڕیاریداوە %15ی قەرزی کارەبا لە هاووڵاتییان خۆش بێت، ئەمەش وایکردووە زۆر لەو هاووڵاتییانەی پێشتر پارەی کرێی کارەبایان نەداوە روو بکەنە بەشی فرۆشتنی کارەبا لە شار و شارۆچکەکان.