سەرۆك بارزانی پێشوازی لە وەزیری بەرگریی عێراق دەكات
K24- ههولێر:
رۆژی شەممە 18ـی كانوونی یەكەمی 2021 لە سەلاحەددین سەرۆك مەسعود بارزانی پێشوازی لە جومعە عناد وەزیری بەرگریی عێراق كرد.
لە دیدارەكەدا بارودۆخی سیاسی عێراق و دوایین پێشهاتە مەیدانییەكان و هەڕەشەی تیرۆریستان و هەروەها هەنگاوەكان بۆ هەماهەنگی و كاری هاوبەشی نێوان هێزەكانی پێشمەرگەی كوردستان و هێزە عێراقییەكان تاوتوێ كرا.