نوێنەری ئۆباما سەردانی ھەرێمی كوردستان دەكات
K24 - ھەولێر
برێت مەکگۆرك، نوێنەری تایبەتی باراك ئۆباما سەرۆکی ئەمریکا لە هاوپەیمانێتی نێودەڵەتی بۆ شەڕی داعش، جارێکی دیکە سەردانی هەرێمی کوردستان و عێراق دەکات و بریارە لەگەڵ گەورە بەرپرسانی هارێمی کوردستان و بەغدا کۆببێتەوە.
مەکگۆرك، لە هەژماری تایبەتی خۆی لەسەر تۆڕی کۆمەڵایەتی تویتەر نووسیوویەتی کە بۆ ماوەی چەند رۆژێك لە عێراق دەبێت بە مەبەستی قسەکردن لەگەڵ گەورە بەرپرسانی عێراق و هەرێمی کوردستان.
مەکگۆرك لە تویتەر ئەوەشی ئاشکرا کرد کە تەوەری سەرەکی لە کۆبوونەوەکانی بریتی دەبن لە ئۆپراسیۆنی کۆنتڕۆڵکردنەوەی شاری موسڵ.
