راستی هاتنی مەیمونەکان بۆ عێراق بەهۆی خۆڵبارینەوە
K24 - هەولێر:
هاوکات لەگەڵ هاتنی شەپۆلی خۆڵبارین بۆ پارێزگاکانی عێراق، گرتە ڤیدیۆیەك لە تۆڕە کۆمەڵایەتییەکاندا بڵاوکرایەوە و بانگەشەی ئەوە کرا کە ژمارەیەکی زۆر مەیمون بەهۆی خۆڵبارینەوە لە ئوردنەوە بەرەو عێراق هەڵاتوون.
بە گوێرەی هەواڵێکی ئاژانسی فرانس پرێس، مێژووی ڤیدیۆکە بۆ ساڵی 2017 دەگەڕێتەوە، کە لەسەر رێگای مەدینە – مەککە ڤیدیۆکە گیراوە.
ئاژانس فرانس پرێس ئاشکرای کرد، گرتە ڤیدیۆکە لە ساڵانی رابردوودا چەند جارێک لە تۆڕە کۆمەڵایەتیەکان بڵاوبووەتەوە و هەرجارەو بەجۆرێک قسەی لەسەر کراوە.
#نهايي_اسيا_2017 #الاتحاد_الشباب #النصر_الرايد #قبايل_قحطان مجموعه من القرده تقطع طريق المدينه المنورة .الهجرة بهذا العدد ربما يوحي بسلوك بيئي معين هل هوامرعادي ام مؤشر الي هزات ارضية قادمة ربما الله اعلم!!اللهم أبعدعنا الزلازل والمحن عن بلدنا هذا خاصه وعن سائر بلادالمسلمين pic.twitter.com/8ptslp5Eas
— أبوطارق (@AdHd1395) November 17, 2017
بەگوێرەی داتاکان، لە ساڵێکدا 200 تا 220 رۆژ لە عێراق خۆڵبارین هەیە، کە ئێستا کاریگەرییەکانی زیاتر دەرکەوتوون، بۆ رێگریکردن لە زیانەکانی خۆڵبارین و زیادکردنی رێژەی سەوزایی، پێشنیازکراوە هەر تاکێک لە عێراق 27 دار خورما بچێنێت.
زیاتر لە %54هەڕەشەی بە بیابان بوونی عێراق هەیە، ئێستا %39 بە دەست بە بیابان بوونەوە دەناڵێنێ، تەنها %31ی بۆ کشتوکاڵ سەلامەتە.