وه‌زاره‌تی ته‌ندروستی: پێویست به دڵه‌ڕاوكێ ناكات
K24 – هه‌ولێر:
وه‌زاره‌تی ته‌ندروستی حكومه‌تی هه‌رێمی كوردستان له‌باره‌ی خۆڵبارینه‌وه، چه‌ندین رێنمایی خۆپارێزی بڵاو كرده‌وه، رایگه‌یاند، پێویست به ترس و دڵه‌ڕاوكێ ناكات.
هه‌روه‌ها له راگه‌یه‌ندراوه‌كه‌ی وه‌زاره‌تی ته‌ندروستی حكومه‌تی هه‌رێمی كوردستاندا هاتووه، ده‌رگا و په‌نجه‌ره‌ی ماڵه‌كانتان به‌ته‌واوه‌تی دابخه‌ن.
ده‌قی راگه‌یه‌ندراوه‌كه:
لەکاتی خۆڵبارین ئەم ڕێنماییە تەندروستیانە جێبەجێ بکەن:
1- دەرگا و پەنجەرەی ماڵەکانتان بەتەواوی دابخەن.
2- لە ماڵ بمێننەوە، زۆر پێویست نەبێت و مەچنە دەرەوە.
3- لەکاتی چوونە دەرەوە ماسک بەکاربهێنە.
4- ئاو و شلەمەنی زۆر بخۆنەوە بۆ ئەوەی قوڕگتان وشک نەبێت.
5- خواردنی میوە و سەوزە بەبەردەوامی سوودبەخشە.
6- تا دەکرێت منداڵ و کەسانی بەتەمەن و هەڵگری نەخۆشی درێژخایەن بەتایبەتی ڕەبوو و حەساسیە و نەخۆشیەکانی دڵ نەچنە دەرەوە و بەرکەوتی چڕی تۆز و خۆڵ نەبن و چارەسەریەکانیان بە ڕێکوپێکی بەکاربێنن.
7- لەکاتی بوونی حاڵەتی نەخوازراو، دەتوانن پەیوەندی بە هێڵی گەرمی ژمارە 122 بکەن.
8- لەکاتی سەردانی فریاکەوتنەکان تکایە قەرەباڵغی و مشەوەشی و دڵەڕاوکێ دروست مەکەن و هێمنی بپارێزن.
9- پێویست بەترس و دڵەڕاوکێ ناکات، خۆڵبارین کاتییە و تەواو دەبێت، ئەگەر پابەندی رێنماییەکان بیت کاریگەری نابێت.
بەهیوای سەلامەتی بۆ هەمووان
وەزارەتی تەندروستی
23ـى ئايار / مایۆی 2022