كوردستان24 ڤیدیۆیی تەقاندنەوەی بارەگای پارتێكی كوردی بڵاودەكاتەوە
K24 - ھەولێر
لە گرتەیەكی ڤیدیۆییدا چۆنێتی تەقاندنەوەی ئۆفیسی پارتی دیموكراتی كوردستانی سووریا دەردەكەوێت.
سەرچاوەیەكی تایبەت كە گرتە ڤیدیۆكەی بۆ كوردستان24 ناردووە، لە گرتەکەدا وا دەردەكەێت كەسێك دەچێت و بۆمب دادەنێتەوە و ئاگری تێبەردەدات، پاشان ئۆفیسەكە دەتەقێتەوە.
دوو رۆژ لەمەوبەر ئۆفیسی پەدەكەسە لە شاری گركێلەكی رۆژئاوای كوردستان تەقێندرایەوە و زیانێكی ماددی زۆری لێكەوتەوە، بەڵام ھیچ زیانێكی گیانی نەبوو، پارتەكەش پاراستنی ئۆفیسەكەیانی خستە ئەستۆی پارتی یەکێتی دیموکرات (پەیەدە) بەو پێیەی لەو ناوچەیە ئەوان دەسەڵاتدارن.