پرۆسەی دەنگدانی گشتی كۆتاییهات
K24 - هەولێر:
سەر لە بەیانی ئەمڕۆ دووشەممە، 18-12-2023، پرۆسەی دەنگدانی گشتی بۆ هەڵبژاردنی ئەنجوومەنی پارێزگاکان له 15 پارێزگای عێراق و ناوچە کوردستانییەکانی دهرهوهی ئیدارهی ههرێمی كوردستان دەستیپێکرد، كهمێك پێش ئێستا کاتژمێر 06:00ـی ئێوارە پرۆسهكه كۆتاییهات و بنكهكانی دهنگدان داخران.
هەڵبژاردنەکە بۆ جاری یەکەمە لە دوای ساڵی 2005 لە پارێزگای کەرکووک بهڕێوهچوو.
کۆمیسیۆنی باڵای سەربەخۆی هەڵبژاردنەکانی عێراق پێشتر رایگەیاندبوو، تا کاتژمێر 12:00ـی نیوەڕۆی ئەمڕۆ دووشەممە، 18-12-2023، رێژەی بەشداریی دەنگدەران لە هەڵبژاردنی گشتیی ئەنجوومەنی پارێزگاکانی عێراق سەدا 17 بوو.
بە گوێرەی ئامارەکانی کۆمیسیۆنی باڵای سەربەخۆی هەڵبژاردنەکانی عێراق، زۆرترین رێژەی بەشداریکردن لە پارێزگاکانی عێراق، لە ئەنبار بووە، کە لە سەدا 27 بووە و کەمترینیشی لە بەغدا – رەسافە بووە کە سەدا 9ـی تێنەپەڕاندووە.
هاوپەیمانی تۆڕ و رێکخراوە نیشتمانییەکانی عێراق رایانگەیاندبوو، تاوەکو پێش نیوەڕۆ 281 پێشێلکاریان لە پرۆسەی دەنگدانی گشتی ئاشکرا کردووە.
به گوێرهی زانیارییهكانی هێمن دهلۆ پهیامنێری كوردستان24 له كهركووك، ههزاران هاووڵاتی بههۆی نهخوێندنهوهی پهنجهمۆر له ئامێرهكانی دهنگدان و وهرنهگرتنهوهی كارتی دهنگدان له پێش ئۆفیسی كهركووكی كۆمیسیۆنی باڵای ههڵبژاردنهكان كۆبوونهتهوه.
پهیامنێری كوردستان24 له كهركووك ههروهها راشیگهیاندبوو، بهو شێوه بێت، پهنجا ههزار دهنگ له پارێزگای كهركووك دهفهوتێت، كه سێبهشیان كوردن.
رێژەی بەشداریکردن لە هەڵبژاردنی گشتیی ئەنجوومەنی پارێزگاکان لە ژمارەیەک پارێزگای عێراق بهمشێوهیه بوو:
ئەنبار: 27%
نەینەوا: 23%
بەسرە: 19%
زیقار: 18%
بابل: 17%
کەربەلا: 14%
نەجەف: 13%
واست: 13%
میسان: 11%
قادسییە: 16%
موسەننا: 14%
دیاله: 12%
بەغدا – کەرخ: 11%
بەغدا – سەرافە: 9%
لهمبارهیهوه جومانه غهلای گوتهبێژی كۆمیسیۆنی باڵای ههڵبژاردنهكانی عێراق رایگهیاند، پرۆسهی دهنگدانی گشتی بۆ ههڵبژاردنی ئهنجوومهنی پارێزگاكانی عێراق بهسهركهوتوویی كۆتاییهات.
غهلای راشیگهیاند، سوپاسی محهممهد شیاع سوودانی سهرۆكوهزیران و لیژنهی ئهمنی بۆ پاڵپشتی له پرۆسهی بهڕێوهچوونی ههڵبژاردن دهكهین.