ئینفۆگرافیک؛ ناوەڕۆکی رێککەوتنی شنگال
K24 - هەولێر
مەسرور بارزانی، سەرۆکی حکومەتی هەرێمی کوردستان رایگەیاند، لە کۆبوونەوەی لەگەڵ بەرپرسانی وەزارەتی دەرەوەی ئەمەریکا داوای پشتیوانی بەردەوامی ئەمەریکا لە سیستەمی فیدراڵیزم و مافە دەستوورییەکانی هەرێمی کوردستانی کردووە.
سەرۆکی حکومەتی هەرێمی کوردستان لەمیانی کۆبوونەوەی لەگەڵ بەرپرسانی باڵای وەزارەتی دەرەوەی ئەمریکا جەختی لە جێبەجێکردنی رێککەوتنی شنگال کردەوە بۆ گەڕانەوەی ئێزیدییەکان بۆ زێدی باب و باپیرانیان.
رێککەوتنی شنگال لە ئۆکتۆبەری ساڵی 2020 لە نێوان حکومەتی هەرێمی کوردستان و حکومەتی ناوەندی واژۆکرا بۆ ئاساییکردنەوەی دۆخی ئەمنی و سیاسی شنگال و دانانی قائیمامی نوێ بۆ قەزاکە، هەروەها چوونەدەرەوەی پەکەکە و گرووپە چەکدارەکان لە شنگال.
دوای نزیکەی چوار ساڵ بەهۆی هەژموونی میلیشیاکانەوە هێشتا رێککەوتنی شنگال جێ بەجێ نەکراوە، بەرپرسانی حکومەتی هەرێمیش لەسەر ئاستی باڵا جەخت لە جێبەجێکردنی دەکەنەوە.