زانیاری لەسەر بکوژی کارمەندی بەنزینخانەکەی چەمچەماڵ ئاشکرا دەکرێت

K24 – سلێمانی:

پۆلیسی  سلێمانی لەسەر کوشتنی کارمەندی بەنزینخانەیەک راگەیەندراوێکی بڵاوکردەوە و وهۆکاری کوشتنەکەی ئاشکرا کرد.

بەگوێرەی راگەیەندراوێکی پۆلیسی سلێمانی: "کاتژمێر 7:30 خولەکی‌ شەوی‌ رابردوو، ماتۆر سوارێک تەقە لەکارمەندێکی‌ بەنزینخانە دەکات لەقەزای‌ چەمچەماڵ ‌و دەیکوژێت ‌و ئەو پارەیەی‌ پێی‌ بووە دەیدزێت".

لە راگەیەندراوەکە هاتووە: "توانرا کاتژمێر 4ی‌ بەرەبەیانی‌ ئەمرۆ تۆمەتبار دەستگیر بکرێت‌ و دەستیشبگیرێت بەسەر ماتۆرسکیلەکە و ئەو دەمانچەیەی‌ تاوانەکەی‌ پێ ئەنجامداوە".

ئاشکراشیکردووە: "کوژراوەکە ناوی‌ (ز، ک، ع)و لەدایکبوی‌ 2003 یەو،  بکوژەکەش ناوی‌ (س م، ا) لەدایکبوی‌ 2000".

H.J