پاڵاوگەیەكی سوتەمەنی لە دھۆك ئاگری گرت و زیانی گیانی لێكەوتەوە
K24 – دھۆك
پاڵاوگەیەكی سوتەمەنی لەسەر رێگەی دھۆك – زاخۆ ئاگری گرت و كەسێك گیانی لەدەستدا و كەسێكی دیكەش جەستەی سوتاوە و بۆ چارەسەری پزیشكی رەوانەی دھۆك كرا.
ئالان حوسێن، پەیامنێری كوردستان24 لە شوێنی رووداوەكە رایگەیاند: "ئەو كەوسەی گیانی لەدەستداوە ناوی (رزگار حوسێن)ـە و خەڵكی رۆژھەڵاتی كوردستانە و لەو پاڵاوگەیە كاری كردووە".
نیھاد فەقۆ، خاوەنی پاڵاوگەكە بە كوردستان24ی گوت: "تائێستا ھۆكاری كەوتنەوەی ئاگرەكە ئاشكرا نەكراوە، جگە لە زیانی گیانی كە كەسێك گیانی لەدەستداوە و كەسێكی دیكەش بریندارە، زیانی زۆری مادیش ھەیە، ئێستا ئاگرەكە كۆنترۆڵكراوە ".