داعش هەڕەشە لە سووریا دەکات
ڕوانگەی سووری بۆ مافەکانی مرۆڤ،ڕایگەیاند، ڕێکخراوی دەوڵەتی ئیسلامی "داعش" بەیاننامەیەکی بڵاو کردووەتەوە، تێیدا داوا لە چەکدارە بیانییەکانی ڕێکخراوەکە و دەزگای ئەمنییەکان دەکات، ئەوانەی چوونەتە ناو ڕیزەکانی هێزەکانی سووریا، "تەوبە بکەن" و بگەڕێنەوە ناو ڕێکخراوەکە، هاوکات هەڕەشەی پەردەپۆشکراو بۆ ئەو کەسانە دەردەکات کە بەردەوامن لە کارکردن.
بەیاننامەکە لە ڕێگەی ئەو کەناڵانەی نزیک لە ڕێکخراوەکەوە بڵاوکرایەوە، بە تایبەتی باسی لەو چەکدارە بیانیانە کردووە کە "توخمەکانی غەیرە سووریان"، پەیوەندییان بە هێزەکانی سووریا کردووە و بە "خیانەتکار و یارمەتیدەری ستەمکاران" وەسفیان کردووە.
داعش لە بەیاننامەکەدا پەیوەستبوون بە ڕیزەکانی هێزەکانی سووریاوە بە "هەڵگەڕانەوە لە ئیسلام" زانیوە، بە ئاماژەدان بە تۆمەتە دووبارەکانی ڕێکخراوەکە واتە سوپای سووریا، بەوەی ڕێکخراوەکە ناڕاستەوخۆ هەماهەنگی لەگەڵ قەوارە ناوچەیی و نێودەوڵەتییەکان دەکات، داوای "تەوبەکردن پێش ئەوەی درەنگ بێت" کرد.
بەیاننامەکە هەڕەشەی پەردەپۆشکراوی ئۆپەراسیۆنە سەربازییە نزیکەکانی لەخۆگرتبوو، ئەمەش ئاماژەیە بۆ نیازی ڕێکخراوەکە بۆ پەرەپێدانی ئۆپەراسیۆنەکانی لە سووریا.
