Cîgirê Serokê Parlamentoya YEyê li Hewlêrê ye

K24 – Hewlêr

Cîgirê Serokê Parlamentoya Yekîtiya Ewropayê (YE) Richard Chernetskiy, bi rêya Firokexaneya Navdewletî ya Hewlêrê gehişte Herêma Kurdistanê.

Nûnerê Hikûmeta Herêma Kurdistanê li Yekîtiya Ewropayê ragihandibû ku li ser vexwendina Cîgirê Serokê Parlamentoya Kurdistanê, Cîgirê Serokê Parlamentoya Yekîtiya Ewropayê (YE) Richard Chernetskiy serdana Herêma Kurdistanê dike.

Di vê derbarê de Nûnerê Hikûmeta Herêma Kurdistanê li Yekîtiya Ewropayê Dilawer Ajgeyî ji Kurdistan24ê re got: “Ew şanda Yekîtiya Ewropayê li ser vexwendina Cîgirê Serokê Parlamentoya Kurdistanê Cafer Êminkî hatiye Kurdistanê û biryar e ligel Serokê Herêma Kurdistanê Mesûd Barzanî bicive.”

Tê çaverêkirin ku piştî civîna ligel Serokê Herêma Kurdistanê, Cîgirê Serokê Parlamentoya Yekîtiya Ewropayê (YE) Richard Chernetskiy ligel Êminkî û fraksyonên Parlamentoya Kurdistanê bicive.

Derbarê armanca serdana Richard Chernetskiy de jî, Ajgeyî da zanîn ku mebest komkirina piştgirîkirina zêdetir a siyasî û leşkarî ya Yekîtiya Ewropayê ye bo Herêma Kurdistanê.