Kerry: Rûsya çareserkirina kîrza Sûriyê asteng dike

Wezîrê Derve yê Amerîka daxwaz ji Rûsyayê kir ku, ji bo dîtina çareseriyekê alîkar be.

Kurdistan24 Hewlêr 2016/02/09 17:35

cihan John Kerry Amerîka Rûsya Sûriye Cenêv3

K24- Navenda Nûçeyan

Wezîrê Derve yê Amerîkayê ragihand ku, Rûsya bi operasyonên xwe yên li Sûriyê, danûstandinên çareseriyê “asteng” dike.

John Kerry di daxuyaniyekê de ragihand ku “Çalakiyên Rûsyayê li Heleb û navçeyê, zehmetiya rûniştina li ser maseya gotûbêjan û destpêkirina danûstadinan zêdetir dike.”

Roja 29ê Kanûnê, danûstandinên Cenêv-3 ji bo çareserkirina krîza ku ev 5 salin li Sûriyê heye, dest pê kiribû.

Lê bêyî ku rejîm û opozîsona Sûriyê bi serpereştiya Neteweyên Yekbûyî (NY) bigihin ti encamekê, danûstandin bo 25ê vê mehê hatin paşxistin.

Opozîsyona Sûriyê berî ku here Cenêvê (rawestandina operasyonên esmanî, serbestberdana girtiyan û rakirina dorpêça li ser navçeyan) wek merc danîbû, lê ew daxwazên wê pêk nehatin, lewma ji danûstandinan vekişiya.