Wezîrê Derveyê Îtaliya: Me nevê em bandorê li ser birayara xelkê Kurdistanê bikin.
K24- Miyonşin:
Li çarçove ya rêveçûna Konfiransa Miyonşinê, şanda Herêma Kurdistanê bi serokatîya Mesûd Barzanî serokê Herêma Kurdistanê hijmareka dîdar û kombûnên cudacuda encmadan. Barzanî li gel her yek ji Heyder Ebadî serok wezîrên Îraqê, Şah Ebdûlla şahê Ûrdinê, Temam Selam serok wezîrên Lûbnanê û Pawlo Cêntîlonî wezîrê derveyê Îtaliya Kom bû. Serok wezîrên Lûbnanê ragehand: Ewan mitmane û bawerî bi berpirsyaretî û serkirdatîya Mesûd Barzanî heye. Hevdem wezîrê derveyê Îtaliya Pawlo Cêntîlonî di dîdareka taybet de bo Kurdistan 24 li ser rifrandomê û mafê çarenivîsa gelê Kurdistanê, ragehand; Kurd biryara xwe dide em rêz ji wê biryarê digirin.
Konfiransa Asayîşê li Miyonşinê, her sal di vê dema salê de dihê encamdan. Di konfiransê de serok û berpirs ên cîhanê gêngeşeyî li ser dawîn guhertinên asyîşa cîhanê dikin.
Şandeka Herêma Kurdistanê bi serokatîya Mesûd Barzanî serokê Herêma Kurdistanê pişikdare di konfiransê de. Di çarçoveya pişikdarîyê konfiransê de serokê Herêma Kurdistanê hijmarek dîdar û kombûnên cudacuda encamdan. Serokê Herêmê li gel Heyder Ebadî serok wezîrên Îraqê kom bû . li gor ragehandineka pêgeha fermîya serok wezîrên Îraqê di kombûnê de, gêngeşe hatyekirin li ser çirkirina xebatê bo ji navbirina Daişê û tekez jî hatîye kirin li ser pakijkirin a hemû bajêran û herweha behsa arişeyên di navbera Hewlêr û Bexdayê hatîyekirin. Her di dêrejeya kombûnan de serokê herêma Kurdistanê li gel şahê Ûrdinê şah Ebulla kom bû. Herêma Kurdistanê û Şanişîna Ûrdinê hevbendîyeka dostaneya tund dinavbera herdûyan de heye.
Her li Miyonşinê serokê Herêma Kurdistanê li gel Temam Selam serok wezîrên Lubnanê kombû. Piştî kombûnê serok wezîrên Lubnanê di bersiva pirsyareka Kurdistan 24 de ragehand; Di niha de pirsa rifrandomê û çarenivîsa Herêma Kurdistanê berpirsyaryetîtya serokê Herêma Kurdistanêye.
Herweha şanda Kurdistanê bi serokatîya serokê herêma Kurdistanê Mesûd Barzanî li gel Pawlo Cêntîlonî wezîrê derveyê Îtalîya kom bû. Di dîdareka Taybet de bo Kurdistan 24 Cêntîlonî ragehand . Birayara rifrandomê birayara xellkê Kurdistanêye û wanan divên biryar biden û me nevê em bandorê li ser biryara wan bikin.