Siyasî

Uca: Li Cizîrê 150 kes bi saxî hatin şewitandin

Parlamentera HDPê ya Diyarbekirê Feleknes Uca ragihand ku artêşa Tirkiyê, di qedexeya derketina derve ya Cizîrê de 150 kes bi saxî şewitandine.

Kurdistan24 Hewlêr 2016/02/19 09:41

kurdistan hdp cizîr kuştin artêşa tirk

K24 – Diyarbekir

Parlamentera HDPê ya Diyarbekirê Feleknes Uca ragihand ku artêşa Tirkiyê, di qedexeya derketina derve ya Cizîrê de 150 kes bi saxî şewitandine.

Parlamentera Partiya Demokratîk a Gelan (HDP) a Diyarbekirê Feleknes Uca rewşa navçeya Cizîrê û kuştiyan ji ajansa Spûtnîkê re nirxand û got ku artêşa Tirkiyê, dema qedexeya derketina derve li Cizîrê di avahiyên cûda de 150 kes bi saxî şewitandine.

Uca wiha axifî: "Laşê mirovên ku hatibûn şewitandin serê hinekan hatibû jêkirin û hinek jî bi temamî şewitî bûn. Ne mimkun e ku otopsî jî were kirin."

Feleknas Uca da zanîn ku li Diyarbekirê jî her diçe rewş metirsîdartir dibe û got: "Li Diyarbekirê jî diçe rewş xirab dibe. Li navçeya Sûrê qedexeya derketina derve gehişte roja 79emîn. Zêdeyî 200 kes di jêrzemînan de girtî mane û hêzên taybet ên Tirkiyê destûrê nadin ku ew ji wir werin derxistin."