"Em nahêlin rejîma Sûriyê li navçeyên Kurdî sindoqên dengdanê deyne"

K24-Qamişlo

Cîgira Serokê pêwendiyên Derve ya Kantona Cizîrê Emîna Osê ragehan ku, Rêveberiya Xweser rê nade rejîma Sûriyê sendoqên dengdanê deyîne navçeyên Kurdî.

Derbarê hilbijartinên Parlamentoya Sûriyê û beşdarbûna Kurdan di wê proseyê de, Cîgira Serokê pêwendiyên Derve ya Kantona Cizîrê Emîna Osê ji K24ê re wiha got: "Hilbijartinên li Sûriyê ne yasayî ne, em weke Rêveberiya Xweser di Kantona Cezîrê qet rê nadin rejîma Sûriyê ku, sendoqên dengdanê li herêmên Kurdî werin danîn."

Osê aşkere kir ku, eger hat û rejîma Sûriyê bizorê ew sandoq danîn, Kurd bi ti awayî beşdariyê di wan hilbijartinan de nakin, tekez kir ku,  rejîma Sûriyê li navçeyên Kurdî de nîne.Herwiha da zanîn ku, ev çar salin li navçeyên Kurdî biryarên rejîmê nayêne cîbecî kirin.

Biryare li gor fermana Serokê rejîma Sûriyê Beşar Esed hilbijartinên Parlamentoya Sûriyê di 13ê Nîsana bê de werin pêkanîn.