HDP: Li Geverê çekên kîmyewî hatine bikaranîn

K24 – Navenda Nûçeyan

Li bajaroka Geverê ya ser bajarê Colemêrgê ji bo rakirina barîkat û xendekan xedexeya derketina kolanan hatibû ragihandin. Di vê qedexeya ku kete roja xwe ya 8, hate îdiakirin ku li bajarokê Geverê çekên kîmyewî hatine bikaranîn.

Ev 8roj in ku9 taxên bajarokê tên topbarankirin. Îro jî li bajarokê Geverê dengê şer û pevçûnê û teqîna bombeyan hebû. Doh bi şev jî taxa Zagrosê hate topbarankirin û topên hewanê li malekê ket. Di wê malê de 4 kes hebûn. Di encama vê topbaranê de her çar kes jî bi saxî filitîn.

Ligel van rûdanan parlamenterên HDPê Lezgîn Botan, Nîhat Akdogan û Abdullah Zeydan îdia kirin ku  li Geverê li taxên wekî Zagros, EskîKişla, Dizê û Ormanê çeken kîmyewî hatine bikar anîn.

Li gorî van agahiyan ku 40 şervanên YPS û YPS JINê jî, ji ber çekên kîmyewî canê xwe ji dest dane.