“Dijî Terora Kurdistanê beşdarî kuştina serkirdeyê DAIŞê bû”

K24 – Hewlêr

Şêwirmendê Encûmena Asayişa Herêma Kurdistanê radigihîne, Hêza Dijî Teror ya ser bi Encûmena Asayişa Herêma Kurdistanê beşdarî operesyona kuştina serkirdeyê duyemîn ya DAIŞê li Sûriyê bû.

Şêwirmendê Encûmena Asayişa Herêma Kurdistanê Mesrûr Barzanî li ser hesabê xwe ya Twetterê ragihand ku, Hêza Dijî Teror ya ser bi Encûmena Asayişa Herêma Kurdistanê bi hevbeşî beşdarî operesyona taybet ya kuştina serkirdeyê duyemîn ya DAIŞê Ebdilrehman Mistefa el-Qadolî yê ku bi navê (Hacî Îmam) tê naskirin, bû.

Duh, Wezîrê Bergîriyê yê Amerîkayê Aşton karter di konfiranseke rojnamevanî de ragihand, serkirdeyê DAIŞê yê duyemîn bi navê Ebdilrehman Mistefa el-Kadolî li Sûriyê  di êrîşekê de hat kuştin.

Herwiha di daxuyaniya Barzanî de hat jî, “Ji ber kuştina kesê duyemîn ya DAIŞê Hacî Îmam li Sûriyê, destxweşiyê li wê hêzê dikim. Şanaz im jî ku Hêza Dijî Terora Kurdistanê roleke wê ya hevbeş di wê operesyoneê de hebûye.”