Saziyên DBP û HDPê li dijî girtinên siyasî nerazî ne

K24 – Diyarbekir

Hevserok û nûnerên Partîya Herêman ya Demokratîk (DBP) û Kongreya  Civaka Demokratîk KCDê bi Hevşaredarên Bajarê Mezin yên Diyarbekirê û nûnerên saziyên sivîl re kom bûn û bertek nîşanî desteserkirinên siyasetmedarên wan dan. Hevserokê BDPê Kamuran Yuksek ragihand ku,  heger rêyên hêviyên aştiyê bêne girtin dê gelê Kurd ji xwe re rêyeke din xêz bike.

Di çarçoveya lêpirsîneke ku ji aliyê Serdozgeriya Komarê ya Diyarbekirê de 14 siyasetmedarên DBPê hatin zindankirin û Hevserokê DBP-ê Alî Şîmşek jî di nav de hejmarek siyasetmedar jî hatin desteserkirin.

Li ser navê saziyan Hevserokê DBPê Kamuran Yuksek axivî û got; “Operasyonên li ser rêxistinên jin û saziyên sivil de tên kirin bêhiqûqin û ev bincavkirin û operasyon berdawamiya şerê li Bakurê Kurdistanê ye.”

Li gorî daxwdiyaniya Yuksek, ji destpêkirina şerê li Bakur ve 768 sivîlan canê xwe ji dest dane û Hezar û 100 kes jî hatine desteserkirin.