YPGê amara şerê Hezêranê radigihîne

K24 – Navenda Nûçeyan

Yekîneyên Parastina Gel (YPG) aşkere kir ku, di meha Hezêranê de bi dehan çekdarên DAIŞê hatine kuştin û Tirkiyê çendîn car e êrîşî li ser Rojavayê Kurdistanê kiriye.

Navenda ragihandina YPGê, di daxuyaniyekê de encamê şer û pevçûnên meha Hezêranê ragihand ku, bi sedema nêzîkî 50 şer û operasyonan, 80 çekdarên DAIŞê hatine kuştin û 17 şervanên YPGê jî canê xwe jidest dane.

Herwiha YPG, hêzên opozîsyona sûriyê jî tumetbar dike ku, di meha Hezêranê de bi top û çekên giran êrîşî ser taxa Şêx Meqsûd li Helebê û gundên Efrînê kirine, di encamê de jî 9 welatiyên sivîl  hatine kuştin û 35 kesên din jî birîndar bûne.

Her li gor ragihandina YPGê, di meha Hezêranê de artêşa Tirkyê 17  caran êrîşî ser Rojavayê kurdistanê kiriye û li Girê Spî zarokek bi wê sedemê hatiye kuştin û 9 sivîl jî birîndar bûne.