Siyasî

Fransa hişyariyê dide Erdogan

Wezêrê Derve yê Fransayê hişyariyê dide Serokomarê Tirkiyê, ku şikestina hewla kudetayê nayê wateya ku Erdogan mafê mirovan binpê bike.

Kurdistan24 Hewlêr 2016/07/17 14:34

cihan Fransa Tirkiye Erdogan Hişyarî Mafên Mirvan DAIŞ

K24 – Navenda Nûçeyan

Wezêrê Derve yê Fransayê hişyariyê dide Serokomarê Tirkiyê, ku şikestina hewla kudetayê nayê wateya ku Erdogan mafê mirovan binpê bike.

Wezêrê Derve yê Fransayê Jean-Mark Ayrault ragihand ku, ew dixwazin dewleta qanûnê li Tirkiyê bi awayekî baş rola xwe bibîne û şikestina hewla kudetayê maf nade Erdogan ku ji hemû neyaran xilas bibe û mafên mirovan binpê bike.

Wezîrê Dad yê Tirkiyê Bekîr Bozdac ragehandibû ku, di çarçoceya têkçûna hawla kudetaya leşkerî de heta niha 6 hezar kes hatine girtin, û operasyona girtina wan kesên pêwendîdar bi kodateyê re jî hîn berdewam e.

Li ser pirsa şerê DAIŞê, Ayrault got ku, derbarê Tirkiyê de gelek pirs hene ku, ka Tirkiyê dikare wek hevparekî “cihê baweriyê” kar bike, bo têkbirina DAIŞê?