Diyarbekir: 402 kes bi tuhmeta derbê hatin girtin

K24 – Diyarbekir

Li Diyarbekirê di çarçoveya lêpirsîna hewla derba leşkerî de, dozger, dadrês karmend, polîs û leşker jî di nav de 402 kes hatin desteserkirin.  Bersûcên desteserkirî bi endametiya Cemaeta Fethullah Gulen ya bi derbeyê tê sucbarkirin tênê tawanbarkirin.

Piştî têkçûna hewla darbeya leşkerî li temamê Tirkiyê li dijî derbekar û endamên Cemaeta Fethullah Gulen operasyonan dest pê kir. Di çarçoveya operasyonan de Diyarbekirê jî, 2 Qeyimaqam, 300 endamên ewlekariyê û 100 mensûbên darêzgerîyê yên ku di nava wan de dozger û dadger jî hene ji erkên xwe hatin dûrxistin.

Di encama lêpirsîna hewla darbeyê de li Êlihê 142,  li Bêdlîsê 101, li Mêrdînê 138 , li Sêrtê 110 , li Rihayê 20 , li Şirnexê 311 , li Wanê 270 , li navçeya Varto ya Mûşê  10  û li  Çewlikê 83 polîs  hatin desteserkirin. Lêpirsîn didome û gav bi gav hejmara girtî û desteserkiriyan zêde dibe.