"Eger Ewropa soza vîzayê bicih neke em penaberan qebûl nakin"

Erdogan da zanîn ku, ew piştevaniya Ewropayê dixwazin .

Kurdistan24 Hewlêr 2016/08/13 06:19

tirkiyê Tirkiyê Erdogan Ewropa Almanya dana vîzayê

K24-Navenda Nûçeyan

Serokwezîrê Tirkiyê Receb Tayîb Erdogan dibêje, Ewropa soza ku derbarê vîzeyê de daye bicih neaniye û wiha biçe ewê êdî ji Ewropayê penaberan qebûl nekin.

Derbarê vê yekê Serokwezîrê Tirkiyê Receb Tayîb Erdogan di beşdariya kanala RTL ya Almanî bû û wiha got: "Li Tirkiyê 15'ê Tîrmehê hewldana derbeyê heye lê Angela Merkel 18'ê Tîrmehê telefon dike û dibêje, bila operasyona hemberê derbekaran metirsîdar nebe ku nêzîkatiyên wiha wan xemgîn dike."

Erdogan da zanîn ku, ew piştevaniya Ewropayê dixwazin lê piştî hewldana derbeyê tenê Sekreterê Giştî yê Konseya Ewropa û Wezîrê Derve yê Qetarê serdana Tirkiyê kiriye.

Derbarê cezaya darvekirinê de jî Erdogan wiha got:Eger yasayek wiha ji Parlamentoyê derbes bibe ewê bipejirîne.

Diyarkir ku ew rêz li hiqûqa Almanyayê nagre ku rê nedaye bi rêya telekonferansê beşdarî Mîtînga Kolnê bibe.